بتسوق عربيتك إزاى؟

بتسوق عربيتك إزاى؟

مفيش مره وقفت مع نفسك وسألتها هو إنت بتسوق عربيتك إزاى؟؟؟؟؟
معقول لسه مش فاهم....!!؟

بتهدى علشان الناس الغلابه اللى بتعدى الشارع توصل بسلامه للضفه التانيه من الجبهه؟

ولا بتحاربهم بعربيتك وكإنها دبابه إسرائيليه ولازم تجيب كل اللى تقدر عليه على كبوت العربيه
وبالمره شوية التنفيخ والدعاميات اللى مركبها فى عربيتك تشل حركة كذا عدو من الناس الوحشين اللى عاوزين يعدوا الشارع

بتربط حزام الأمان , وللعلم إسمه حزام الأمان وكل الكرة الارضية بتسميه بالإسم ده فعلا , يعني مش حزام تضرب بيه حد او تلبسه على البنطلون الجينز بتاعك....؟
ولا بتسوق فيها استهبال وتقول هى ناقصه خنقه , مع إنك تلاقيك لابس مليون حاجه فوق بعض وهما اللى خنقينك او تلاقى همومك ومشاكلك هى اللى خانقالك وياعيني بترميها على الحزام وتلبسه القضيه

لما تلاقى واحده شكلها لسه نيو وفرش فى عالم السواقه بتسيبها فى حاله وتدعيلها ؟

ولا بتصرخ بصوت عالى داخلى كإنك لقيت ضحيه ولازم بقى تغتت عليها وتقرفها فى حياتها وتخليها تعيط وتقول كان يوم مش له لون لما قلت اشترى عربيه... وتبقى كملت لو كانت راكبه عربيه احسن من بتاعتك

لما تشوف بنات حلوين فى الشارع بتعدى وإنت ساكت وتقول الدنيا دى صغيره خالص ماهو انا راح اقابلهم تانى وتاخدها من سكات وتمشى؟
ولا لازم تقف تعاكس وتخلى الشارع كله يدى ليك كلكسات علشان حضرتك موقف الدنيا وراك .... وفى الآخر تسمع احلى الكلام من البشريه اللى كنت حابسها وراك

لما بتروح عند بيت واحد صاحبك بتنزل ترن الجرس علشان تسأل عليه؟
ولا لازم تعزف سيمفونيه كامله على كلاكس العربيه اللى صوته عامل زى صوت حضرتك وإنت صاحى من النوم

وتخلى اللى ساكنين فى الشارع يحلفوا انهم راح يحطوا متاريس على اول الشارع ويعلنو حظر التجوال على حضرتك لو دخلت الشارع تانى

وإنت فى عربيتك .. قاعد إزاى؟
اكيد مرجع الكرسى لحد الشنطه ولغيت حاجه إسمها كنبه فى العربيه واللى يشوفك يقول حضرتك نايم فى السرير
اكيد ماسك الدريكسيون بطراطيف صوابعك وكإنك عندك واوا زى بتاعت هيفاء وهبي

اكيد صوت الكاسيت مع التويترات والسماعات البايونير والجى إم والصب ووفر على آخره كإنك حضرتك فى صالة ديسكو ولازم تغصب على اللى فى شارع إنهم يسمعو الأغانى اللى حضرتك مشغلها , مع إن ذوقك وحش , ومحسس الناس كلها اقصد مأكد لهم كلهم إن حضرتك سمعك خفيف.. لا لا .. ده إنت اطرش

قلت لى بقى بتسوق عربيتك إزاى؟؟؟؟ على فكره ونصيحه منى سيبك من كل الكلام ده وسوق براحتك خالص

والى معندزوش عربيه عمل ايه
Evil or Very Mad

اللى ماعندوش عربيه بقى يا 3loosh يركب رجليه , احيانا بتوصل اسرع
شكرا للمتابعه والرد

لا بسوق ولا عايزه اسوق

السواقه = اخلاق

وطبعا واضح جدا اخلاق الناس عامله ازاي في الشارع

شكرا على الموضوع المهم جدا جدا جدا fromalongtime

....................

أنا كمان بقول ان السواقه أخلاق بس فعلا اللى بنشوفه مش فى مصر بس فى كل الدول العربية

وعن تجربة يخلى الواحد يكره السواقه

مشكور fromalongtime على الموضوع

.................

شكرا للاعضاء على الردود
عموما انا اقترحت اننا نسوق رجلين اريح لنا

member عدد المساهمات : 70 تاريخ التسجيل : 11/06/2009

المفروض الي يسوق العربيه ده يحترم الناس وخضوضا البنات ويعتبرهم زي اخواته مش يقعد يبصلهم lol!

كلامجميل يا amr
مش ياريت بقى نبتدى بنفسنا ولا ايه ..؟؟

member عدد المساهمات : 70 تاريخ التسجيل : 11/06/2009

مهما الي بيخلونا نبصلهم

اوكى amr
لو حد منهم بصلك اعمل نفسك مش شايف
خليك راجل ... استرجل واشرب بريل ..!!

member عدد المساهمات : 70 تاريخ التسجيل : 11/06/2009

لو حد منهم بصلك اعمل نفسك مش شايف ........... مش صعبه دي