نقطة نظام (لازم ترد)

,,,,,,,,,,,,,,,,,,,,,

نقطة نظام ويلا بينا نبتدى من اول السطر

**طه ياحجه (اللى هى طيب يا ماما يعنى)

**فكك بقى من الكلام ده ( اللى هى خلاص يا أمى كلام فى الموضوع الفلانى)

**انتى مش هاتبطلى بقى .. صدعتينى ( اللى هى من الآخر ماتخرسى بقى يا ماما لانك صدعتينى)

**يووووه .... ( واللى هى تعبير عن الزهق من كلام ماما )

**انا هأعرفك .. ماشى .. بس لما بابا يجي من بره .. (اللى هى انا هاقول لبابا لما يجي علشان يعلمك تتأدبي معايا ازاى)

**قلت لك مش وقته ماليش مزاج .. افهمى بقى ... ( اللى هو من الآخر انتى مش بتفهمى )

طبعا مستغربين من الكلام اللى مكتوب فوق , بس الكلام ده هو دلوقتى اصبح لغة الحوار مابين الاولاد وامهاتهم اليومين دول...

وانا حددت الام بالذات لانها هى مكسورة الجناح اللى بنتشطر عليها لكن الاب نوعا ما بيمثل بع بع للبعض
معقول نرضى لنفسنا ان الام المقدسه دى اللى عملت كل حاجه علشنا وجبتنا للدنيا يبقى هو ده أسلوبنا معاها فى التعامل , ومن الآخر كانها خدامه ابونا اشتراها لينا ...

انا مش هاتكلم كتير عن الفضل اللى اعطاه ربنا للام لانه بصراحه حاجه تكسف وتخجل ..

ارجوك واجوكى فكروا مليون مره ولو لحظه ان لام دى ماتت دلوقتى واتخيل حالك فى الدنيا هايكون عامل ازاى من غيرها ولاهو لازم تموت وتبعد عنك علشان تقدر قيمتها ...

علشان كده انا بأقول لكل ام حقك على لو اولادك سببو ليكى اى زعل او حزن او ضيق وحقك على مليون مره
وانا على استعداد انى ابوس قدم كل واحده فيكم يا مخلوق طيب حنون ...
و اخيرا خلص الكلام ...

,,,,,,,,,,,,,,,,,,,,,,,,,,,,

موضوع رااااااائع جدا
تحيه لكل ام
وفعلا دي بقه لغة حوار بين الاولاد وامهاتهم
بس لله الحمد الناس المتربيه وعلى خلق ودين مش بتعمل كده ابدا
فربنا يزينا بخلق القرءان ويرحمنا
ويرحم والدينا امين
شكرا كتير fromalongtime
موضوع مهم جدا

..................

(الجنة تحت أقدام الأمهات)

ياريت الجميع يحترم أمه ويقدرها لأن اللى بقينا بنشوفه الأيام ديه

مش من خلق الاسلام خالص .........ربنا يهدى الجميع

شكرا على هذا الموضوع الرائع

................

شكرا لردود الاعضاء
وياريت الى يقرأ الموضوع مايبقاش بالنسبه له مجرد كلام جرائد
بل لازم يتمعن فيه ويحاسب نفسه كويس

» نشرة الأخبار .. لازم تسيب رد
» حصريا -| ايهاب توفيق - برومو البوم - لازم تسمع 2009
» البوم ايهاب توفيق لازم تسمع 2009 - Ripped From Original CD @160 l 192 l 320
» حصريا فيلم نقطة رجوع بطولة شريف منير ونور نسخه اصليه Vcd وبمساحه 289 ميجا وعلي اكثر من سيرفر