fromalongtime moderator
عدد المساهمات : 1034 تاريخ التسجيل : 24/05/2009 العمر : 42 الموقع : الكويت
| موضوع: ضل راجل ولا ضل حيطة الإثنين يونيو 22, 2009 8:25 pm | |
| _______________ وقفت الست بهية على كوم عالى فى الجرن
وبدأت تخطب وسط الحريم المرصوصين على المصاطب :
قال بيقولوا ضل راجل ولا ضل حيطة ... ياختى بلا وكسة !
بذمتك عمرك سمعتى عن حيطة تقعد تشخر طول الليل وماتخلكيش تعرفى تنامى ؟
والا حيطة تدخل من باب البيت تجعر عايزة الغدا وبعدين تطين عيشتك علشان الملح طلع زيادة فى البامية !
والا ممكن ترجعى البيت فى يوم تلاقى حيطة بتبوس الخدامة ؟
طيب شفتى حيطة تملا لك سقف البيت دخان ، وأرضيته سبارس !
والا حيطة تقعد تتنك عليكى وتقولك انتى رايحة فين وجاية منين !
والا حيطة تصحيكى فى نص الليل علشان معرفش إيه طلع فى دماغها !
والا حيطة تدوخك وراها علشان تشوفى هيه بتكلم مين فى التليفون بعد نص الليل !
طيب دى الحيطة معروف مكانها دايماً ، إنما المحروس يدوخك وراه علشان تعرفى هو سهران فى أنهى داهية ... قال إيه ، عنده شغل ! ياسم !
بذمتك فيه حيطة تحاول تطلعك غلطانة فى كل كلمة تقوليها علشان تثبت للعيال إن الحيطة بتفهم أحسن منك .
والا حيطة تلوى بوزها وتقعد بالفانلة لما أمك تيجى تزورك وتحبك معاها تحكى نكت عن الحموات !
والا حيطة تقعد تقولك ماتخرجيش بالفستان ده أحسن محزق عليكى ولما تقولى لها هاتى فلوس علشان تشترى فستان غيره تعمل ودن من طين وودن من عجين ، طيب دى حتى الحيطان لها ودان .
ياشيخة بلا قرف ... بلا نيلة ... الحيطة أجدع ، على الأقل مش حتتحبسى لو فاض بيكى ونفذتى حلم كل الستات ... ودقيتى فى الحيطة مسمار !!!!!
الله يحرقك يابهيه انتى وسعديه وكل الى الستات الى كانوا قاعدين ____________________ | |
|
نونا الحاج active member
عدد المساهمات : 972 تاريخ التسجيل : 01/06/2009 العمر : 41 الموقع : مصر
| موضوع: رد: ضل راجل ولا ضل حيطة الإثنين يونيو 22, 2009 9:13 pm | |
| ههههههههههههههههههههههه
اه والله د الحيطه طلعت احسن واحلى
ويحرقهم ليه دول قالوا كلام عايزين نقولوه من زمااااااااااااااااااااان
موضوع راااااااااائع
وكلام يجنن fromalongtime | |
|